في اليابان:
يترك الطلاب في قاعة الإمتحان لوحدهم ليعيشوا أجواء الإختبار .
في العراق:
٨ مراقبين، ٦ دوريات، ١٤ قناص، ٩ شرطة، و إذا امتحان بكالوريا يگطعون النت، و تتم عملية الغش بنجاح .. توفيق الهي.
الطفل في أوروبا :
اذا ضربته امه راشدي يتعالج عند طبيب نفسي
اما العراقي تضربه بصينية
يركض وهو يضحك ويقول والله ولاتعوور .
وفاة 11 ألف شخص في أوروبا بسبب ارتفاع درجة الحرارة إلى 36 مئوية. و في العراق درجة الحرارة 50 و طافية الكهرباء، و يشربون چاي و يگولون: الحر المضبوط بعده ما اجه .. شعب مشگوگة فانيلته
في أوروبا
مجرد إن يزعل الرجل، يكره الحياة و يقرر الإنتحار.
★ و عندنا بالعراق
○ مديون.
○ و بالدوام گاطعين نص راتبه.
○ و قروض.
○ و السيارة عطلانة
○ و البگال يطلبه.
○ و النقال مخلص شحن.
و تلگاه كاعد مستلقي و يفكر ياخذ زوجة ثانية.
الله يثبتك يا ابن الرافدين. رجال ﻻ تقهرهم الظروف، و الحكومات الفاشلة . كبير يا ابن الرافدين، دائما معنوياتك مرتفعة.
واحد يگول: احنة سبع اخوة، و أبوية يضيع بالاسماء. ابوية لما يصيحلي يگول كل اسماء البيت و آني أباوع عليه. و بالأخير يهفني بالريموت ويگول: ليش ماترد ليش ليش ؟
.. مو آني منتظر اسمي ماطلع بالقائمة، شنو ذنبي؟
من اخس ذكريات الطفولة، لما يلحگك ابوك و بإيده صوندة و يگول: ( بس تعال ما اسويلك شي ).
لعد الصوندة شنو تسحب مني بانزين؟
استراحة
·
standard
وسع صدرك
في اليابان:يترك الطلاب في قاعة الإمتحان لوحدهم ليعيشوا أجواء الإختبار . في العراق: ٨ مراقبين، ٦ دوريات، ١٤ قناص، ٩ شرطة، و إذا امتحان بكالوريا يگطعون النت، و تتم عملية الغش بنجاح .. توفيق الهي.